千里屋食堂 (已結業)

自從係日本食過呢種勁牛肉嘅蓋飯之後，就一直都好想再食。前幾日咁岩經過呢間千里屋，見到menu全部都係牛肉蓋飯，就決定入去一試，質素都幾唔錯我地去到嘅時候人流都唔算多，但係再夜啲就開始多人，要等一陣位先會到。淨係牛肉蓋飯已經有好多種，價錢亦唔算貴，相當抵食。我地就揀左2號嘅mt. fuji steak& sukiyaki combo don同和牛鐵板三種。和牛鐵板三種係一個set,有湯有飯。三個唔同部位食落口感都略有不同，但係共通點就係都非常嫩滑，非常好食。另外嘅安格斯牛蓋飯真係分量十足😍牛排堆到好似一座小山咁高，唔怪得取名mt. fuji 喇。半熟嘅牛排淋上惹味燒汁，睇到已經覺得好吸引。呢個牛肉比起岩岩個鐵板牛係冇咁滑，需要費一啲牙力去咬，食落有好香嘅牛排味，配合粒粒珍珠米食非常唔錯。