影片
更多
2017-03-03
854 瀏覽
走在邊寧頓街，依稀記得隆堡柏寧頓酒店的位置。坐電梯上餐廳嘅入口比較隱蔽，稍一不留神就會錯過咗。餐廳喺酒店一樓嘅位置，電梯門打開，見到小小嘅擺設同埋餐牌；睇一下餐牌，價錢合理，選擇良多，決定試一下作為食肉獸，最關心梗係睇下有咩肉可以燒！心大心細睇咗一輪，決定要醃嘅牛肋骨，五花肉，牛尾湯同埋炒粉絲。落左單之後，侍應就拎左六小碟前菜同埋醬汁黎，牛肋骨同五花肉亦好快上枱，一瞬間成枱就擺滿左嘢食啦講番啲前菜，韓式甜薯仔（好似叫 감자 조림）真係好好味，薯仔粉粉的，而甜味滲透整粒薯仔，味道偏甜但十分開胃；而涼拌芽菜同埋紫菜都好清新醒胃！睇吓今晚嘅主角：醃牛肋骨顏色比較深，脂肪紋理分佈平均，牛肋骨沒有切件，長長的一大塊。五花肉層次分明，顏色粉嫩，厚度適中，而且份量非常慷慨我哋自己燒左一陣，就有侍應過嚟幫我地剪同埋燒牛肋骨。侍應手勢純熟，而且掌握嘅生熟程度啱啱好。牛肋骨味道濃郁，略帶甜味（唔知係咪用咗梨汁去醃呢），肉質鬆軟，入口充滿肉汁，食到我地舔舔脷老公話送飯一流！五花肉脂肪豐富，一放落個爐度燒已經滋滋響，不過件五花肉有返咁上下厚度，都要燒一陣先食得。五花肉真係有5層，豬皮口感QQ，肥肉嘅部份燒得爽
餐廳喺酒店一樓嘅位置，電梯門打開，見到小小嘅擺設同埋餐牌；睇一下餐牌，價錢合理，選擇良多，決定試一下作為食肉獸，最關心梗係睇下有咩肉可以燒！
心大心細睇咗一輪，決定要醃嘅牛肋骨，五花肉，牛尾湯同埋炒粉絲。落左單之後，侍應就拎左六小碟前菜同埋醬汁黎，牛肋骨同五花肉亦好快上枱，一瞬間成枱就擺滿左嘢食啦
講番啲前菜，韓式甜薯仔（好似叫 감자 조림）真係好好味，薯仔粉粉的，而甜味滲透整粒薯仔，味道偏甜但十分開胃；而涼拌芽菜同埋紫菜都好清新醒胃！睇吓今晚嘅主角：
醃牛肋骨
$138
71 瀏覽
0 讚好
0 留言
五花肉
$128
37 瀏覽
0 讚好
0 留言
我哋自己燒左一陣，就有侍應過嚟幫我地剪同埋燒牛肋骨。侍應手勢純熟，而且掌握嘅生熟程度啱啱好。牛肋骨味道濃郁，略帶甜味（唔知係咪用咗梨汁去醃呢），肉質鬆軟，入口充滿肉汁，食到我地舔舔脷
老公話送飯一流！
五花肉脂肪豐富，一放落個爐度燒已經滋滋響，不過件五花肉有返咁上下厚度，都要燒一陣先食得。五花肉真係有5層，豬皮口感QQ，肥肉嘅部份燒得爽脆，瘦肉嘅部份就有啲咬口，口感豐富，好好食！
食咗咁多肉都要食返啲澱粉質，於是我地就食算係低卡路里嘅炒粉絲。粉絲煙煙韌韌，加左好多蔬菜同牛肉一齊炒，材料豐富，而且亦都好夠味！
韓式炒粉絲
$88
27 瀏覽
0 讚好
0 留言
牛尾湯
$108
28 瀏覽
0 讚好
0 留言
值得一提嘅係，呢度座位同座位之間頗為闊落，而且有唔少屏風分隔開餐枱，私隱度高之餘仲要好靜，啱晒同情人知己密友慢慢傾計慢慢食
張貼
