影片
更多
2023-02-15
287 瀏覽
一班人聚餐，嚟嚟去去都係打邊爐、小菜、日式燒肉，今次就有朋友揀咗間特色啲嘅 —— 巴西燒烤。巴西燒烤喺香港都「紅」過一段短時間，但而家喺香港唔係好多地方有得食。今次就去咗蘭桂芳嘅Braza，食吓正宗嘅巴西燒烤。餐廳裝潢令人覺得置身熱帶雨林之中，背景播放住輕快音樂，侍應態度親切，好適合一大班食肉獸開開心心聚餐。自助區有各式冷熱盤、水果，冷盤有沙律、芝士、吞拿魚、三文魚、青口等等。青口大大隻又鮮甜，必食。熱盤一定要食巴西家常菜Feijoada黑豆炖肉，軟腍牛肉帶有豆味。今日嘅Seasonal daily soup椰菜花忌廉湯亦相當不錯。巴西燒烤最大特色係侍應會拎住成串燒好嘅肉到每張枱即切俾食客。肉類有牛、羊、豬、雞，而且每款肉類都有唔同部位選擇。牛肉必食招牌picanha臀部牛排，肉質幼滑、肉汁豐富。其他仲有側翼牛排、肋眼牛排、牛腰肉、里脊肉，肉質、口感、脂肪份量各有不同。睇住侍應切落嚟嗰陣啲肉汁係咁流就知幾juicy。食牛就當然係回本之選，其他肉類都十分高質。豬肉BBQ ribs、香腸、豬肋眼各有特色。雞肉就推介雞腿肉，切嗰陣仲冒緊煙，肉質嫩滑肉味香濃。叫咗兩杯冰凍飲品，Avocado
餐廳裝潢令人覺得置身熱帶雨林之中，背景播放住輕快音樂，侍應態度親切，好適合一大班食肉獸開開心心聚餐。
自助區有各式冷熱盤、水果，冷盤有沙律、芝士、吞拿魚、三文魚、青口等等。青口大大隻又鮮甜，必食。熱盤一定要食巴西家常菜Feijoada黑豆炖肉，軟腍牛肉帶有豆味。今日嘅Seasonal daily soup椰菜花忌廉湯亦相當不錯。
巴西燒烤最大特色係侍應會拎住成串燒好嘅肉到每張枱即切俾食客。肉類有牛、羊、豬、雞，而且每款肉類都有唔同部位選擇。牛肉必食招牌picanha臀部牛排，肉質幼滑、肉汁豐富。其他仲有側翼牛排、肋眼牛排、牛腰肉、里脊肉，肉質、口感、脂肪份量各有不同。睇住侍應切落嚟嗰陣啲肉汁係咁流就知幾juicy。
食牛就當然係回本之選，其他肉類都十分高質。豬肉BBQ ribs、香腸、豬肋眼各有特色。雞肉就推介雞腿肉，切嗰陣仲冒緊煙，肉質嫩滑肉味香濃。
叫咗兩杯冰凍飲品，Avocado lime smoothie同Lemongrass & Lychee lemonade酸酸地又有果味，配燒肉都好唔錯。
肉食得多好快會飽，所以中間一定要食啲水果，除咗自助區嘅水果亦可試吓肉桂糖燒菠蘿，切到厚厚，咬落好似飲緊菠蘿汁咁。
自助區亦有好多沙律、頭盤等，甜品仲有chocolate fountain添，happy happy～咁就度過咗愉快嘅美食之夜～
張貼
