慶吉家 (已結業)

今日難得過去灣仔，行行下路經天輝中心，見有人派傳單。就順便拎黎睇下，之後就懶得再搵餐廳，就決定上去食。一上到去，地方算闊，感覺好舒服，唔洗逼住甘食飯。最後我揀左牛肉便當🍱，而男朋友就要左鰻魚飯，一見到個便當就覺得好掂，因為我本身好中意多種類配合，有餃子，炸蝦同沙律，吾洗只食牛肉甘dry。牛肉多汁，味道甜甜地 好容易一啖接一啖，食完d送，已經飽到不得了。 而男朋友個鰻魚飯就食晒，佢話好好食wor 🤤下次再黎試其他，睇到隔離座位的吉列豬排都好似好正甘，可以試下🤓