相馬日式火鍋 (已結業)

荃灣大鴻輝真係火鍋店既集中地，次次去都要係樓下大堂等幾架lift先上到去。聽朋友講相馬日式火鍋係任飲任食既，岩哂我呢啲食肉獸！今次我醒目，一早訂左位，去到唔洗等就有枱正！鴛鴦鍋 - 蕃茄+豚骨湯底方面，個個都好似好吸引咁，真係花多眼亂。最後叫左個鴛鴦鍋，一邊蕃茄，一邊豚骨，一次過可以試哂兩個湯底。個蕃茄湯底真係越煲越濃味，入面啲蕃茄都絕對唔少，好似食極都仲有咁，好好味！另外個豚骨湯底亦都唔錯喔，又唔會好似清湯咁清淡，豚骨湯夠濃夠入味！美國特選牛肉任食既牛肉都有4款可揀，最後我地揀左中價既美國特選牛肉，另外仲有豚肉同雞肉任食！呢個特選牛肉都不錯喔，每片牛肉都切得薄薄，又唔多肥肉，放入鍋一陣就食得，平時少食牛既我都食左好多。蔬菜區/自取區除左係食肉獸，打邊爐我都會係咁食菜！呢度既蔬菜區同自取區既食物種類都幾多，仲有秋葵、羽衣甘藍、西蘭花... 呢啲係其他火鍋店都好少見到既蔬菜！甜品區甜品區有milk top 雪糕放題，打完邊爐食返杯雪糕降下溫。隔離個雪櫃放左蛋糕同生果，仲有個迷你朱古力噴泉，真係估你唔到有咁多甜品啊！炸物除左任食火鍋之外，竟然仲有十幾款炸物可以點！熱辣辣新鮮炸出黎，我最鍾意