牛極 (大全街) (已結業)

收工後同同事去食牛扒，去食已經紅左一排既石燒扒。一入呢間餐廳，門口有一部自助售票機，選擇想食既食物，付款，然後交俾職員，最後入座。餐廳算係半自助的，湯，白飯仲有沙律係任食既。肉類上枱前會稍為煎一煎，然後送係一塊燒紅左既石塊上，食客可根據自己喜好決定肉類既熟成。自助枱上有三種點肉類既醬汁，有辣同唔辣的；而配沙律的醬有柚子沙律汁和芝麻醬，沙律菜好新鮮，我食左兩碗。仲有湯和白飯，今次既湯係羅宋湯，而且都好足料。今次我點左牛肩排，牛肩排既肉質比較結實，有嚼勁既口感；呢塊肉偏瘦，仲帶點筋，我煎到五成熟，食落一點都唔韌，唔錯。