影片
更多
2016-12-12
716 瀏覽
屈小姐好鍾意食蕃茄野嫁，所以賴生周圍帶佢食好多出名蕃茄野好西，好似《勝x園》，《華x冰室》同《樓x冰室》等等。基本上有蕃茄既地方，就會有我倆既足跡！（唔理港九新界，只要有好西既地方，就有我地既身影嫁啦）不過《蕃滿門》對於賴生黎講係好特別既，因為佢係屈小姐帶賴生去嫁！而且仲係一間好出色既蕃茄餐廳添！同埋每次屈小姐提起佢個名既時候，對眼都會Bling Bling嫁！可想而知，《蕃滿門》對屈小姐黎講吸引力係何其大呢！一蕃茄癮起既時候就會諗起《蕃滿門》，可惜既係佢總店執左，變相我地要去分店解相思之苦啦！同時，因為無左總店既關係，所以呢間分店係極多人排隊！我地拎左飛等左成差唔多半個鐘先入得！我地等既時候已經係門口睇餐牌商量定食D咩，但低B屈小姐一坐低仲要望多次餐牌最後confirm先落order😂😂😂 (其實我地食親都係叫果兩樣)1) 香濃蕃茄湯滑蛋螺絲粉 配香煎雞扒 加 炒什菌，芝士，西蘭花&粟米 （微辣）（4.5星）- 首先識食既一定食螺絲粉同微辣！螺絲粉掛滿晒蕃茄湯令美味加倍 比起其他選擇，螺絲粉一定係最好既！而微辣爲蕃茄湯添加另一份風味，甜甜酸酸夾雜一絲辣味，衝擊味蕾！(之前我地試過小辣
不過《蕃滿門》對於賴生黎講係好特別既，因為佢係屈小姐帶賴生去嫁！而且仲係一間好出色既蕃茄餐廳添！同埋每次屈小姐提起佢個名既時候，對眼都會Bling Bling嫁！可想而知，《蕃滿門》對屈小姐黎講吸引力係何其大呢！
一蕃茄癮起既時候就會諗起《蕃滿門》，可惜既係佢總店執左，變相我地要去分店解相思之苦啦！同時，因為無左總店既關係，所以呢間分店係極多人排隊！我地拎左飛等左成差唔多半個鐘先入得！
我地等既時候已經係門口睇餐牌商量定食D咩，但低B屈小姐一坐低仲要望多次餐牌最後confirm先落order😂😂😂 (其實我地食親都係叫果兩樣)
1) 香濃蕃茄湯滑蛋螺絲粉 配香煎雞扒 加 炒什菌，芝士，西蘭花&粟米 （微辣）（4.5星）
- 首先識食既一定食螺絲粉同微辣！螺絲粉掛滿晒蕃茄湯令美味加倍 比起其他選擇，螺絲粉一定係最好既！而微辣爲蕃茄湯添加另一份風味，甜甜酸酸夾雜一絲辣味，衝擊味蕾！(之前我地試過小辣，但就會遮左個蕃茄味)
- 第2樣要介紹既係炒什菌配芝士+栗米呢個配搭，芝士係一片片係超市買到果隻，要靠熱蕃茄湯由熱融佢，不過芝士拉絲再纏繞住D螺絲粉⋯何其幸福阿！炒什菌帶獨特既菇菌香味，連埋一齊食又有口感又夾蕃茄味！同樣令美味昇華！ 粟米就令每啖湯再甜D同埋有野咬下！
- 香煎雞扒又係另一樣推介，因為佢薄薄地，煎到成塊都好脆！連埋雞皮食超正嫁！而且本身都醃得好入味，雞醬都唔駛點！
- 不過我扣左0.5星，係因為以前總店既出品更佳，雞扒更香更脆，滑蛋就更滑（呢間熟得濟），而果間既蕃茄湯仲更濃郁好味！
2) 鮮茄蓉芝士焗豬扒薑黃飯 （4.5星）
- 個蕃茄汁好重蕃茄味呀！比濃湯通粉既酸一D，但更濃味！個汁夠挺身，配埋蕃茄粒食一流！而且好多汁，感覺上仲多過飯，唔怕唔夠汁撈飯！
- 豬扒無骨嫁！又Juicy又入味！唔錯喎！
- 不過呢，佢比以前總店果個欠缺薑味，總店果個係蕃茄同薑味兼備，但呢度呢個薑味就得好微，一入口就消失左，比蕃茄遮晒
整體黎講，呢間《蕃滿門》都做得出色，比元朗同food court分店好食，希望佢快d追番上總店既水準啦！We will be back!
#多謝妳咁遠都帶我黎食
#蕃茄狂熱
#賴生今日都摟住粒蕃茄
#宣示主權
#都係總店最好 (可惜無左T^T)
香濃蕃茄湯滑蛋螺絲粉+栗米，炒什菌，芝士&西蘭花
$70
38 瀏覽
0 讚好
0 留言
香煎雞扒
46 瀏覽
0 讚好
0 留言
鮮茄蓉芝士焗豬扒薑黃飯
$63
37 瀏覽
0 讚好
0 留言
張貼
