影片
更多
2010-08-14
42 瀏覽
中午係上水食左一碗薯粉之後，去左沙田，再去埋尖咀，行行下去左尖東，本來只係想去食尖咀幾間froyo~但唔知點解硬係記住要去幸福中心@@到搵到呢間譚仔三哥~我先醒起~可能因為之前睇到唔知邊本報紙雜誌講話譚仔三哥出左酸辣薯粉，咁我琴晚又想住去食薯粉，所以上網搵過想睇下邊度有「有薯粉食ge譚仔」，比我搵到尖東有分店所以咪記住囉~好~既然咁有怨念就行入去食啦~本來想叫15蚊特價的酸辣薯粉，但係知自己唔食得酸辣，所以最後聽侍應姐姐推介，轉叫扭紋薯粉，跟一個餸，揀左豬膶，再加4蚊要腩肉，清湯底~本來唔記得走腐皮芽菜~好在之後補叫~侍應姐姐都肯幫我跟~間鋪係幸福中心，個位都幾顯眼~星期日下午的陽光穿過落地玻璃窗，冷氣夠，都幾舒服，等左一陣碗薯粉就上左啦~D腩肉都幾爽口好食~豬膶就老左D啦~我鍾意好似維記果種軟軟地剛剛熟，呢度就稍熟~雖然因為切得薄唔算好韌~不過就食唔到肉汁囉~飲左D湯，都比較鹹，可能因為我口味一向都清啦~口感係一貫薯粉的微微煙韌，不過較偏軟，用少少力就咬得斷啦~一條條扭紋狀薯粉比較少見，聽講係易d 掛湯，等我可以食返正常酸辣野之後，一定會試下用酸辣湯底，睇下係咪入味d呢？至於份量就係
本來想叫15蚊特價的酸辣薯粉，但係知自己唔食得酸辣，所以最後聽侍應姐姐推介，轉叫扭紋薯粉，跟一個餸，揀左豬膶，再加4蚊要腩肉，清湯底~本來唔記得走腐皮芽菜~好在之後補叫~侍應姐姐都肯幫我跟~
間鋪係幸福中心，個位都幾顯眼~星期日下午的陽光穿過落地玻璃窗，冷氣夠，都幾舒服，等左一陣碗薯粉就上左啦~D腩肉都幾爽口好食~豬膶就老左D啦~我鍾意好似維記果種軟軟地剛剛熟，呢度就稍熟~雖然因為切得薄唔算好韌~不過就食唔到肉汁囉~
飲左D湯，都比較鹹，可能因為我口味一向都清啦~口感係一貫薯粉的微微煙韌，不過較偏軟，用少少力就咬得斷啦~一條條扭紋狀薯粉比較少見，聽講係易d 掛湯，等我可以食返正常酸辣野之後，一定會試下用酸辣湯底，睇下係咪入味d呢？
至於份量就係譚仔系列一貫的風格——大碗，加埋都飽飽地，都勉強先食得哂~我諗女仔用來當一餐都ok囉~~(之後睇雜誌話呢個薯粉係幸福中心分店限定................但我上次睇另一本雜誌明明話扭紋薯粉同酸辣粉係全線三哥都有wor....究竟邊個真呢？)
張貼
