雲南老巷

營業中

休息中

呢間野真係唔容易搵，門面唔算大亦唔係搶眼，不過認住幾盞好似越南帽既燈就會搵到佢地。入到去都唔係闊落，如果坐滿人應該都迫，不過都係食碗米線啫。其實主要想講兩樣野，第一係上菜時間真係有點耐，真係唔好期望係譚仔速度，個晚全場都係得四個食客，我地等左起碼十分鐘先有野飲同野食，不過見無咩人又有電視睇住就算啦。第二樣野係我地叫左撈既紅薯寛粉、小辣，首先佢地既小辣真係幾辣，而且唔係齋辣個種，係有唔同層次同香料既，好味得黎又辣住個咀，好矛盾不過都好好食既；另一方面，佢地既紅薯寛粉好厚好長的，而且真 係 好 有 𡁻 頭，咬極都咬唔開，同埋又滑，一路夾一唔跣又一路彈汁，實在狼狽。整體味道係好，不過建議下次食幼粉同小小辣就可以了，也不宜穿白色衣服前往。