和味館 (已結業)

和味館，當晚我哋好早去，所以咪有咩人，老細親自過黎向我地介紹菜式， 首先上係北海道魷魚圈、但問老細魷魚圈係唔係要點芥辣食，魷魚圈已帶有淡淡芥辣味及魷魚嘅鮮味，老細話魷魚圈灼熟後加了芥辣油調味雪凍，食到魷魚嘅鮮。而一夜情其實係用鹽餣一晚再用雞油蒸，這個味道唔算出眾。至於頭抽雞不愧係招牌菜，頭抽帶出雞嘅鮮味，而肉質好嫩滑，原來係用新鮮雞煮嘅，真係好好食，所以好快清唒。仲有碟和味龍、竹蟲、蜂蛹，見到個樣，大家都唔敢輕舉妄動，尤其和味龍貌似曱甴，經過一陣爭扎，試食下幼身嘅竹蟲似炸薯條, 粗身嘅蜂蛹似魚春, 黑色似曱甴嘅和味龍就硬少少無咩味，用嚟送酒都幾好!鐵板薑蔥魚卜離遠已經聞到香味，魚卜食落好似花膠，但較薄身入哂薑蔥嘅香味。