影片
更多
2021-11-13
82 瀏覽
成日係旺角食嘢，作為新屎忽，見新之城樓下開咗間新茶飲店緊係要試下。裝修就幾靚啦，適合打卡，而且新開張優惠有8折，不過裝修就明顯好過嘢飲本身好多啦。分開兩日試咗兩杯都覺得麻麻。第一次試咗原味可可牛奶+奶蓋 (原價$38)原味可可牛奶味道正常，唔係太特別，同其他茶飲店飲到嘅都差唔多味。問題出咗係奶蓋到，平時飲開芝士奶蓋，呢間嘅奶蓋就完全飲唔到芝士嘅鹹香味啦，得cream味而且偏甜。質地都比較水，直接飲奶蓋都唔係好飲到佢嘅味。而且唔知點解啲奶蓋係起粒粒嘅，懷疑係啲芝士冇攪碎，成個口感就變到好奇怪。諗住第一次飲可能簡唔啱，第二次再試多次，簡咗個榜上有名嘅，點知仲差。提拉米蘇奶茶+地瓜芋圓(原價$42)成杯都唔係好知飲緊咩，奶茶茶味唔出又冇奶味，好似飲緊糖水咁。芋圓正常不過冇咩地瓜味，個人唔係特別鍾意地瓜所以覺得ok，不過同行鍾意地瓜嘅朋友就覺得唔好食啦。以為上次奶蓋起粒粒係個別事件，點知隔咗幾日再試都係咁，味道依然冇芝士味，呢個問題真係要改善下。總括而言，性價比好低，原價要去到成40，味道又麻麻，奶蓋又水又得好薄好薄一層，係完全唔值呢個價，唔會再encore。見佢咁多間分店點知原來都係得個樣，
成日係旺角食嘢，作為新屎忽，見新之城樓下開咗間新茶飲店緊係要試下。裝修就幾靚啦，適合打卡，而且新開張優惠有8折，不過裝修就明顯好過嘢飲本身好多啦。分開兩日試咗兩杯都覺得麻麻。
第一次試咗原味可可牛奶+奶蓋 (原價$38)
原味可可牛奶味道正常，唔係太特別，同其他茶飲店飲到嘅都差唔多味。
問題出咗係奶蓋到，平時飲開芝士奶蓋，呢間嘅奶蓋就完全飲唔到芝士嘅鹹香味啦，得cream味而且偏甜。質地都比較水，直接飲奶蓋都唔係好飲到佢嘅味。而且唔知點解啲奶蓋係起粒粒嘅，懷疑係啲芝士冇攪碎，成個口感就變到好奇怪。
諗住第一次飲可能簡唔啱，第二次再試多次，簡咗個榜上有名嘅，點知仲差。
提拉米蘇奶茶+地瓜芋圓(原價$42)
成杯都唔係好知飲緊咩，奶茶茶味唔出又冇奶味，好似飲緊糖水咁。芋圓正常不過冇咩地瓜味，個人唔係特別鍾意地瓜所以覺得ok，不過同行鍾意地瓜嘅朋友就覺得唔好食啦。以為上次奶蓋起粒粒係個別事件，點知隔咗幾日再試都係咁，味道依然冇芝士味，呢個問題真係要改善下。
總括而言，性價比好低，原價要去到成40，味道又麻麻，奶蓋又水又得好薄好薄一層，係完全唔值呢個價，唔會再encore。見佢咁多間分店點知原來都係得個樣，平時都鍾意周圍試台式飲品，呢間應該係連鎖茶飲店最差而且性價比最低，希望可以更加著重飲品平身而唔係裝修。
13 瀏覽
0 讚好
0 留言
張貼
