119 Plus (已結業)

睇到呢間野食既野都幾特別，所以走一倘去嘗試下，裝修和坐位都好有特色，唔知食物味道如何呢？於是就約埋朋友，2個人一齊去嘗試下嘞！【芝士玉子卷】當我切開玉子卷時，芝士並非我想像中流出來，有點失望，芝士太熟關係，未能像流心一般，所以食落口感唔係太軟綿綿，蛋質一般，咬口實一啲，未能做到日本料理的蛋卷般軟滑。【燒濟州鯖魚】好大條鯖魚啊！食落有好香濃既魚油，就咁食已經好好味，可以配上秘製的辣椒醬，另有一番風味，唔會太辣，朋友食慣鯖魚，都讚口不絕，大家可能一試。【燒牛肋骨包菜】牛肋骨燒得外表好靚，賣相好吸引，但我這份牛肋骨當中，有2～3件有筋，所以食落比較困難，味道都算可以，配以生菜包住泡菜和牛肋骨食，比較清新，冇咁油膩，愛辣人士，仲可以加上辣椒醬更加惹味。【醬燒芝士排骨】服務員遞上來，親切地問我洗唔洗影相先？然後就為我地剪開排骨，將芝士包住排骨，份量好大，排骨剪開有6條，芝士軟淋淋好好味，但排骨肉質冇味，而且有啲鞋，我食左一條骨就冇繼續食嘞！因為唔似美國餐廳既燒豬肋骨味道，如果志在大大份，可以一食，但如何想食味道，就確實麻麻地，建議轉食其他菜式。【提子汽水/菠蘿柚子汽水】（$19/$38）杯中有冰