影片
更多
2008-06-29
29 瀏覽
上星期六晚六月二十一日再訪普羅旺斯，諗住唔寫食評，點知翻開呢頁睇到Ｄ好唔同嘅意見，不妨又交流吓。酒就一定要自己帶去。中午時我係中環一間專賣法國紅酒嘅酒鋪買咗支$109嘅紅酒，鋪頭伙計問我食乜，我話食扒，佢推薦呢支，平平哋，又唔錯喎。去到普羅旺斯時仲係六點幾，我兩個人，霸張四人枱，師傅仲係度寫緊黑板Today's Special，不過佢警告我唔影得相。（所以我唔知呢頁Ｄ相係咪偷影嘅呢......？）我同師傅講要食牛扒，佢已經即介紹牛肋骨，又話黑豚肉好正，講吓講吓，竟然俾佢游說到食新嘢。照舊預咗佢耐，飲住酒食住頭盤先。三文魚南瓜湯？喂！我食南瓜但唔食三文魚喎！落大量胡椒粉，驚佢腥。咦？又冇事喎，仲幾好味添。沙律：菜新鮮，最正係莎樂美腸，送酒一流。就係呢個時候，竟然俾人叫起身換枱！由一張大嘅換去一張對決式嘅二人枱。唔開心，但奇遇唻嘞。坐隔離二人枱嗰兩位竟然係師傅嘅細佬及弟婦（？）。佢兩位幫手招呼我哋，當然佢哋食乜都唔使叫唔使俾錢，但佢哋講咗好多師傅嘅理念俾我哋聽，好有趣。主菜牛肋骨真係好掂，無骨嘅長條肉配以士多啤梨汁，有肉味之餘仲幫助消化，好特色。黑豚肉細細塊但放係大大片嘅大葱上，肉質美，又
酒就一定要自己帶去。中午時我係中環一間專賣法國紅酒嘅酒鋪買咗支$109嘅紅酒，鋪頭伙計問我食乜，我話食扒，佢推薦呢支，平平哋，又唔錯喎。
去到普羅旺斯時仲係六點幾，我兩個人，霸張四人枱，師傅仲係度寫緊黑板Today's Special，不過佢警告我唔影得相。（所以我唔知呢頁Ｄ相係咪偷影嘅呢......？）
我同師傅講要食牛扒，佢已經即介紹牛肋骨，又話黑豚肉好正，講吓講吓，竟然俾佢游說到食新嘢。
照舊預咗佢耐，飲住酒食住頭盤先。三文魚南瓜湯？喂！我食南瓜但唔食三文魚喎！落大量胡椒粉，驚佢腥。咦？又冇事喎，仲幾好味添。
沙律：菜新鮮，最正係莎樂美腸，送酒一流。
就係呢個時候，竟然俾人叫起身換枱！由一張大嘅換去一張對決式嘅二人枱。唔開心，但奇遇唻嘞。坐隔離二人枱嗰兩位竟然係師傅嘅細佬及弟婦（？）。佢兩位幫手招呼我哋，當然佢哋食乜都唔使叫唔使俾錢，但佢哋講咗好多師傅嘅理念俾我哋聽，好有趣。
主菜牛肋骨真係好掂，無骨嘅長條肉配以士多啤梨汁，有肉味之餘仲幫助消化，好特色。
黑豚肉細細塊但放係大大片嘅大葱上，肉質美，又多汁，好香口，我鍾意Ｄ葱！
甜品照舊係紙咁薄嘅Apple Pie a la Mode，真係完美配搭。
你問我，我只係嫌等得耐，因我住天水圍，但食物方面真係冇得頂。冇酒買亦唔緊要，佢哋唔收corkage，我仲可以冒吓險周圍買吓。唯獨下次點都要weekday去，坐番張四人枱！
張貼