影片
更多
2022-07-11
41 瀏覽
直燒和牛商店（燒烤堂）(10/7) 星期日 中午12點特式：本身都好鐘意食牛舌，見佢一個價錢仲有任食，其他肉類質數又好似唔錯，所以去試下，不過得一個鐘頭用餐就趕左d。食物：吉列牛舌set - 98 + 28，牛舌質數正常，不是太高質，但呢個價錢仲要任fill，絕對食得過，refill速度都快，佢本身已經熟左，燒一燒就食得，如果快手可以食到3~4盤，雖然我只係食左2盤，但已經覺得無蝕。和牛壽喜燒set - 138 + 28，牛肉質數唔錯，起碼都對得住個價錢既，最緊要係佢個自家壽喜燒汁，幾好食，我之後燒完咩都係點佢個汁食，但上網睇人食好大碟，我去到就得上網睇既一半左右，職員話轉左擺盤，呢度扣佢少少分。紫菜月見飯 - 呢個真心好食，我本人覺得仲好食過牛角飯，但跟set只有一碗仔，我有問過職員，佢話再要就要加18蚊。沙律 - 正常沙律，無特別讚或彈，但佢有芝士粒係幾好食既。雞皮餃子 - 呢個係每枱都送既，不過應該唔係次次送，只係咁啱撞正，夠熱夠脆，好香雞油味，又唔太漏，幾好食。冷泡茶 - 好飲，清清地，但又幾香，解油膩一流，個杯仲幾實淨同有蓋，問左可以攞走，拎返屋企裝下野都一流。環境：餐廳環境
(10/7) 星期日 中午12點
特式：本身都好鐘意食牛舌，見佢一個價錢仲有任食，其他肉類質數又好似唔錯，所以去試下，不過得一個鐘頭用餐就趕左d。
食物：
吉列牛舌set - 98 + 28，牛舌質數正常，不是太高質，但呢個價錢仲要任fill，絕對食得過，refill速度都快，佢本身已經熟左，燒一燒就食得，如果快手可以食到3~4盤，雖然我只係食左2盤，但已經覺得無蝕。
和牛壽喜燒set - 138 + 28，牛肉質數唔錯，起碼都對得住個價錢既，最緊要係佢個自家壽喜燒汁，幾好食，我之後燒完咩都係點佢個汁食，但上網睇人食好大碟，我去到就得上網睇既一半左右，職員話轉左擺盤，呢度扣佢少少分。
紫菜月見飯 - 呢個真心好食，我本人覺得仲好食過牛角飯，但跟set只有一碗仔，我有問過職員，佢話再要就要加18蚊。
沙律 - 正常沙律，無特別讚或彈，但佢有芝士粒係幾好食既。
雞皮餃子 - 呢個係每枱都送既，不過應該唔係次次送，只係咁啱撞正，夠熱夠脆，好香雞油味，又唔太漏，幾好食。
冷泡茶 - 好飲，清清地，但又幾香，解油膩一流，個杯仲幾實淨同有蓋，問左可以攞走，拎返屋企裝下野都一流。
環境：餐廳環境唔錯，起碼乾淨，但位置就真係好少，得20個位左右，所以如果要去食就要係佢啱啱開門去最好，遲左都要等位，我12點到，大約12:30開始就見到要等位。
服務：服務態度好好，d靚女s好有禮貌，佢地見我話個紫菜月見飯好食，仲送多左個比我。
價錢：大約120~150一個人。
總結：以石燒類嚟講價錢唔算好平，但計埋佢吉列牛舌可以任食，如果你食得到2~3盤就真係回晒本了；紫菜月見飯好出色；美中不足係限時一個鐘頭，係有d趕。
吉列牛舌
5 瀏覽
0 讚好
0 留言
和牛壽喜燒
5 瀏覽
0 讚好
0 留言
雞皮餃子
0 瀏覽
0 讚好
0 留言
紫菜月見飯
2 瀏覽
0 讚好
0 留言
紫菜月見飯
1 瀏覽
0 讚好
0 留言
張貼
