新東記火鍋店 (已搬遷) 新店位置

OT完咁辛苦，同事話一於食豪啲去打邊爐（其實因為有飯錢claim）。尖沙咀嘅新東記開到凌晨三點，就啱晒我地OT到十一點幾嘅人。一入去就見到個牛肉檔，就知不能不試呢度嘅牛肉。打邊爐麻辣湯底不可少，牛肉都必點啦。鮮嫩肥牛有得揀肥度，呢個就係中肥都好得，油脂分佈平均。多款嘅醬料車，雖然細心，但由於湯底太入味，所以都冇乜點過。估唔到火鍋店都有刺身食，咁既然有老細資助梗係食豪啲啦。象拔蚌刺身，一個字鮮！點少少wasabi就吊出個鮮味。另外就係國王的刺身，龍蝦太白太透喇，影落去淨係見到成堆雪，食入口鮮甜即融，不得了。呢個醉雞好野喇，又夠酒味又滑。海鮮都好得，半隻手板咁大隻蠔，食到咁鮮甜，不過有少少腥。珊瑚蚌鮮甜啊....鱔片淥一淥即食，爽脆！Overall 環境野食質素都好好，如果話要改善我諗員工態度可以友善少少囉。