燒蝦蝦 (金福閣） (已結業)

今日同朋友去咗元朗呢度食流水蝦，朋友試過話唔錯於是就帶咗我嚟，以前喺泰國食過類似嘅嘢，但係喺香港就係第一次去到餐廳，我個座位隔離就有個魚缸，入面啲蝦好生猛，游嚟游去，夾起啲蝦將啲蝦，放入冰桶整暈佢就可以拎來燒，啲蝦都幾大隻，個蝦頭仲有蝦膏添，識落啲肉質幾爽😋😋😋除咗蝦之外，呢度仲有大量嘅海鮮，鮑魚、扇貝、青口、墨魚、仲可以有成條魚拎嚟燒，我就最鍾意條燒魚，可以自己控制火候，入面啲魚肉超級嫩😘 另外帶子加佢既蒜蓉配料, 食落都好惹味! 除咗海鮮呢度仲有啲丸類同肉類，我就拎咗啲牛仔骨嚟燒，肉唔會un, 味道相當唔錯😋呢度嘅食物種類咁多，真係可以食足三個鐘🤗