三餐冰室

營業中

休息中

平時也會去香港不同的扒房或冰室食扒，但普遍餐廳嘅扒都會用咗鬆肉粉，令味道大打折扣。今次去到尖沙咀呢間冰室食完佢嘅牛柳真係覺得有驚喜。今次呢間冰室位於尖沙咀漆咸道南，原來呢間冰室都大有來頭，原來佢嘅老闆家人同是沙田蘭香閣經營。餐牌內選擇相當多，但今日嚟到就要食佢嘅鐵板招牌牛柳餐。鐵板招牌牛柳餐 $128套餐包括有多士、同埋可以揀羅宋湯或是日餐湯、以及配即磨咖啡或餐飲。所有鐵板扒餐供應時間為2-10pm。今次呢個餐我就揀咗燒汁。而估唔到食之前都要讚一讚個師傅，因為我點餐係叫五成熟，到上枱一切牛柳果然真係五成熟。真係比坊間不少餐廳好好多了。味道方面亦相當出色，首先就食唔到有用鬆肉粉，而且質感軟滑牛味濃郁，真係推介。牛油多士套餐嘅多士亦相當不錯，質感相當軟熟。羅宋湯之後羅宋湯同樣相當足料，酸酸立立相當開胃，而且真係相當多蔬菜，不錯。飲埋杯凍檸茶就相當滿足了。整體呢間冰室相當抵食，特別佢嘅牛柳相當出色值得再試。