麻辣妹 (已結業)

食辣如吸毒@麻辣妹地址: 旺角通菜街27號地下食辣真係會令人上癮架，每星期唔食一次就混身不自在，要去挑戰出下汗先舒服。$32 麻辣口水雞，有人怕層油，層辣油才是精華及味道來源，調得惹味又唔過份死鹹。$32 蒜泥白肉, 濃烈蒜味加上辣味，一片一片連皮同脂肪的腩肉片，當下酒小食或者送飯都一流。$28 手拍青瓜加海帶，（雙併）個人私心必點，爽口多水份。微辣就辣得來又唔會蓋過食材味。唔想全是肉，點份這個做開胃前菜，幾大碟抵食架。佢仲有麻辣麵，似車仔麵點自已喜歡架餸，唔貴又多湯可挑，下次可以試下降底一下濃味同辣味，怎可小了一杯凍飲。小食抵食， 有外賣一盒盒拿就也甚方便。想買返屋企慢慢食或者邊行邊食都同樣過癮。數十元吃飽飽，旺角麻辣小食新貴。