川之源 (寶豐大廈) (已結業)

今晚黎左西營盤嘅樓上舖食私房菜聽講午餐會有二人套餐重抵食下次有機會要黎試一試😜🔸青椒皮蛋青椒辣辣地 配埋皮蛋好夾🔸手撕包菜 ♥️幾鍾意呢個包菜唔會太辣 同時又食到菜嘅甜味🔸酸菜魚酸菜幾爽脆 原來係自家醃製 如果想食冇骨嘅，可以生龍脷魚 想食魚味濃啲嘅可以叫桂花魚份量好多 個碗超大😂😂😂完全係4人份量😂😂超飽酸菜魚既湯撈飯超正🔸桂花冰粉♥️♥️本身諗住叫嘢飲 但見到有個桂花冰粉叫咗果然冇後悔 ，超。好。味！食落好香嘅桂花味 糖水又唔會好甜食辣嘢後再食呢個冰粉好透心涼又解辣最後我仲買咗外賣返屋企做宵夜😂🍀總結樓上舖既川式私房菜，重有兩間獨立房，岩曬一班人聚會，推薦飯後甜品桂花冰粉