麻市滋味館 (已結業)

近排食得多西餐，好掛住中菜既鮮甜惹味既味道，記得之前係佐敦麻市滋味館用膳，無論小菜定係海鮮，味道都非常出色，菜館乾淨俐落，侍應招呼殷勤，趁今日同老公撐枱腳，一於再去麻市滋味館encore。從佐敦砲台街向後行大概五分鐘便到, 地點方便易找。上次揀選了海鮮滋味套餐，今次決定散叫，叫了三款海鮮，一個小菜，一個清炒時蔬， 菜館還送了兩碗紅豆沙做飯後甜品，全部都食到我倆舐舐脷。白灼蝦($118)， 採用鮮蝦為原料，經過"白灼"技法烹製，然後蘸醬油食用， 特別味鮮，肉爽，完全保留蝦嘅原味。蒜蓉粉絲蒸蟶子皇(每隻$45)， 蒜蓉味道深入蟶子之中，蟶子鮮味被粉絲充分吸收，啖啖鮮甜無比。冰鎮鮑魚(每隻$65)，size大隻之餘，好腍易咬，凍食更顯得鮑魚鮮甜美味。冰梅肉排($98)，這是我同老公初嘗此菜，味道酸酸甜甜的，開胃下飯， 吃起來爽口，超正。蒜茸炒芥蘭($68)， 炒起來少油，芥蘭鮮嫩，不錯不錯。我和老公巳食得好飽，菜館還送上紅豆沙做飯後甜品，真係超滿足。