影片
更多
2006-05-21
27 瀏覽
之前在5月15日已經與老公在此食午餐，覺得好味又抵食，凍飲唔駛加錢外，仲唔收加一，nann bread夠熱及大塊。我食咖哩牛及咖哩羊，兩個汁底唔同，牛大塊及味道清，羊則夠腍及汁底濃味，點nann bread無得彈。早兩日慶祝同事生日，預早訂了9位食午餐，有位港人女侍應，招呼好到不得了。佢仲介紹，有一味羊脾，足夠8-9位享用，全隻$220，半隻$120，不過需時45分鐘，最好訂時預訂，下次一定要約埋好羊者一齊品嚐。我地大多數食set lunch，分別雞、牛、羊，個雞因為叫椰汁咖哩雞，所以椰汁味夠重，總括都係個羊好食D。有同事試「特別推介」羊膝(散叫)原價$70，特價$58，個汁好好味，我地爭住試，果然，點nann bread好「正」。另外，加$10試佢個芒果奶昔，佢話係自己發酵o既，與邊寧頓街Shalimar Club比，較稀及遜色，不過都好過飲奶茶，佢d奶茶的確唔掂。這次午餐，各同事均讚不絕口，連我最嘴刁上司都讚nann bread及汁底好食，佢話日後若可單叫汁底同nann bread外賣都唔錯。埋單時，印藉伙記(唔知係伙記定老細)好醒目咁幫我地除埋條數，非常好服務，佩服!其實係幾抵食
早兩日慶祝同事生日，預早訂了9位食午餐，有位港人女侍應，招呼好到不得了。佢仲介紹，有一味羊脾，足夠8-9位享用，全隻$220，半隻$120，不過需時45分鐘，最好訂時預訂，下次一定要約埋好羊者一齊品嚐。
我地大多數食set lunch，分別雞、牛、羊，個雞因為叫椰汁咖哩雞，所以椰汁味夠重，總括都係個羊好食D。有同事試「特別推介」羊膝(散叫)原價$70，特價$58，個汁好好味，我地爭住試，果然，點nann bread好「正」。另外，加$10試佢個芒果奶昔，佢話係自己發酵o既，與邊寧頓街Shalimar Club比，較稀及遜色，不過都好過飲奶茶，佢d奶茶的確唔掂。
這次午餐，各同事均讚不絕口，連我最嘴刁上司都讚nann bread及汁底好食，佢話日後若可單叫汁底同nann bread外賣都唔錯。
埋單時，印藉伙記(唔知係伙記定老細)好醒目咁幫我地除埋條數，非常好服務，佩服!
其實係幾抵食，個個都好飽，原先想過對面甜姨姨打包甜品返公司，埋單後已經冇人記得，亦都食唔落。
張貼