皇轎印度餐廳 (已搬遷) 新店位置

星期六同女朋友試食印度菜，去到間餐廳唔多人，個menu 都幾多野，唔知點選擇，但服務好好，餐廳經理KUNLA問你趣好會推介唔同菜式，試咗咖哩什菜同黃油雞覺得好好食，唔會太辣，同烤餅好夾。

因為同一班同事外勤，午膳時間較長，要搵個舒適地方享受一下午餐，有同事提議不如就去皇轎印度餐廳~!估唔到一班同事都鍾意食辣，於是坐言起行。由於時間尚早，只係十二點，餐廳只有我地一行五人，而店員亦十分熱情招呼，更幽默地同我地介紹一道道美味的菜式。除左必食的烤餅同咖哩角，我地點左咖哩魚、沙嗲雞同牛，每個主菜的調味各有特色，但全部都十分惹味。叫埋幾杯芒果特飲，成餐飯配合得天衣無縫。慢慢食下傾下，享受餐廳的印度氣氛，都幾Chill架~!

夜晚行到攰又唔知食咩好，行到呢一間嘅門口，都猶豫緊入唔入去好，因為間餐廳望落去好神秘，同埋自己有好少食印度菜，唔知啱唔啱自己口味，但係個老闆又好熱情咁樣喺門口同我哋介紹，結果盛情難卻咁就入去體驗一下芒果汁唔知係咪印度嘅特飲嚟嘅呢？飲落去好濃郁嘅芒果汁，好似成個芒果拎落去打咁樣薄餅又真係好食，配埋啲咖喱真係一流，唔好以為咖喱細細兜一定唔夠點薄餅，熄晒啲薄餅都仲有好多咖哩，又encore左啲薄餅，結果就食到好飽

Missed Indian Curry so much! This restaurant has more than 30 years history. I am definitely a curry lover, but it is my first time to visit here.Today is public holiday and I didn’t make any reservation, just walk in around 7:30pm. Luckily, its still available. We took the last seats! It is FULL house.I ordered three types of curries.The first one is: Madras Curry(a little bit spicy and the flavour is quite rich.)First time to try eggplant curry and spinach curry! I like both and the spinach on

這是天后的一家小型印度餐廳。 。離地鐵站不遠。 這個地方雖小但很舒適。我們點了食物，很快就來了。食物味道不錯。 。雞肉馬德拉斯比預期更甜，但味道還不錯。雖然這部分很小。混合的唐杜里板非常好吃。 服務很棒 - 非常友好和樂於助人。價格合理的餐廳。

呢間印度餐廳係天后開左好多年, 咖喱的味度都好岩香港人口味, 今次星期六經過見無人就入黎口味一下. 餐廳的環境舒服, 餐桌同擺設都係高級餐廳的布置, 服務員都係印度人, 感覺好親切友善. 印度咖哩羊肉餐服務員推介食的羊肉又真係幾好味, 完全冇so味, 個汁雖然比較辣, 但又會令人食完想再食. 椰汁咖哩雞餐呢款椰汁咖哩食落就冇咁辣, 仲有好香椰汁味道. 食印度咖哩的好味地方, 就係用汁送飯同印度薄餅食, 絶對可以令我食幾碗飯, 好有滿足感.

原本比佢個門口二人餐吸引咗，見到價錢都算合理，應該都會食得飽有飯有兩個主菜有甜品。但最後入去，多句問有冇推介，最後跟佢推介就嗌左三個主菜、一份薄餅、一份炒飯（無影到）、及兩杯薑味啤酒（無酒精）。 以下全部都係佢介紹，其實真係唔知叫咩名，哈哈莫怪🤣首先會送上前菜，薄荷汁配薄脆片。之後，三個主菜。1）雞：熱辣辣，肉質鮮嫩，應該有用醋醃過。2）蝦：有4舊，第一隻會偏大，其餘三隻都中等size，肉質有彈性，而且鮮甜，都唔錯。3）芝士菠菜：啲芝士粒係原粒，啲菠菜味唔會太濃郁草醒味，味道不錯，配薄餅一流。炒飯：其實可不叫，因為無乜特別而且已經夠飽。薑味啤酒（無酒精）：其實比個更靚嘅玻璃杯，而且，可以不用加冰（但佢加咗）總結：所有嘢都係熱辣辣地送上，但等候時間頗長，尤其薄餅最後才到。可能因為比較少客的關係，店舖環境頗大，但只有3枱客，所以侍應服務態度良好有耐性。

年三十有得早放，梗係唔會咁快番屋企啦！原本想Encore坐忘，可惜過左午餐營業時間。周圍閒逛之際，留意到呢間餐廳既裝修幾有異國情調，所以選擇呢度用餐🙈🔅Non-Veg Tali 雜錦拼盤($71)賣相相當吸引，樣樣都有啲，岩曬咩都想試既我！咖喱三小碟有雞、羊同雜菜。雞唔錯，另外羊肉羶味控制得而但肉質略嫌有點鞋🐏雜菜覺得幾好食，薯蓉吸曬啲甜甜地既咖喱汁，cover左三色豆既草青味😛燒雞意外地出色！火喉岩岩好，仲有肉汁流出🤪比咖喱雞正😜炸茄子反而冇咩味🍆白飯唔係印度米🍚薄餅有傳統烤餅同埋脆餅，配咖喱汁風味出曬黎！一滴不留地掃清光😙總括而言，味道幾迎合到香港人既口味😚下次希望再試下其他菜式😜

突然好想食薄餅同咖哩就衝左入呢間印度餐廳 個set lunch 好抵食 Around $60 有湯 , 可以配白飯，薄餅或者洋蔥薄餅但飲品要加錢個咖喱唔係好辣 岩晒我呢啲唔食得辣既人淨係食個洋蔥薄餅 我都已經飽左 但個白飯唔係印度米，😅😅 （ 我唔介意 因為我唔鐘意印度米🤣🤣🤣） 左上係咖喱雞 右邊係咖嘛牛腩兩個既咖喱汁都唔同味 個人鐘意食咖喱雞個汁多啲 ， 偏奶油味重啲， 但雞肉唔算好滑😂😂 咖喱牛腩就有少少酸味， 牛腩就好淋。 總括黎講 都幾好食 算係性價比高

話說老豆落左指令話父親節想食異國菜，加上佢又鍾意食印度菜，所以就揀左呢間5年前黎過既印度餐廳。對呢度印象深刻係因為幾年前食過覺得幾outstanding。我哋叫左好多野食，其中炭燒雞(tandoori chicken), 炭燒大蝦同茄醬秋葵特別好食。其他都好食，性價比幾高既一間餐廳。唯一需要改善既就係上菜時間太耐，落左單差唔多要等半個鐘先有野食，因為佢地想一次過上晒所有菜。仲有咁岩坐個個位冷氣好大，所以個度食飯，記住request唔要風口位。

坐落於清風街的印度餐廳，餐廳有25個座位。我們入座時間大約12時，全店也是印度人打理，侍應生很有禮貌，我們點了兩個午餐：咖喱雞配白飯 $80咖喱魚配印度薄餅 $62加$20要了一杯芒果乳酪，餐湯帶咖喱味，有蒜蓉粒！咖喱汁比較接近香港人口味，魚幾好食，唔會煮到好實，個人推介芒果乳酪，入口有少少冰粒，味道略甜！下午沒有加一服務費

呢度serve嘅唔係好傳統嘅印度菜當然傳統嘢都有啦嗰晚咁啱除夕都係唔打誤撞之下嚟咗呢間食同埋坐得非常逼夾你想坐低慢慢歎而唔移開你嘅身體讓人哋出入係一件好難嘅事但係個老細好似好急咁樣其中一個朋友 過咗半個鐘都未到佢就問我究竟嚟唔嚟我哋仲有booking我哋都好識做匆匆食完就走因為好匆匆嘅關係冇乜點影到相影咗佢喺其他地方食唔到嘅嘢就係呢個鐵板魷魚啦佢真係好鬼多汁一切就爆出嚟一定juicy啦呢嚿魷魚佢好懶咁成條serve上嚟自己要設切佢嗰個masala 羊腿真係堅好味呢啲汁 攞嚟撈飯最正其他嘢都不過不失同其他 印度餐廳差唔多佢勝在多種類 吸引你下一次再去都會返去食嘅但係service就麻麻成日好似唔夠人咁樣你想人哋走就拿拿聲落單

見OpenRice有些好評，lunch set又多選擇, 誰知去得不合時星期日中午12:30，可能因為下雨天，餐廳有好多網上外賣平台 orders ，導致一直未能為我們上菜，足足等了30分鐘才有湯，坦白講，番茄湯有好多香料確實唔錯，只不過第一份naan bread 是涼的，非常失望，以為等了那麼長時間，naan bread 會是新鮮做的，此外，咖喱牛腩的肉非常硬，咖喱雞也是，咖哩汁是好味的，不過肉類唔得，反而咖喱雜菜唔錯，再等20分鐘，有第二份naan bread, 這次非常新鮮、熱辣辣、夠軟身

重點： 一碗普通白飯要$28 ...完全無諗過要咁貴。 咁岩去開呢頭做野，見到呢間野既menu 幾吸引咪入去試下囉。叫左個lunch set - 茄汁羊肉咖哩，味道一般，八十幾蚊，無咩驚喜！ 因為碗飯太細，再叫多碗加飯，點知埋單收我$28一碗，一般都係$10-15， 不過我都衰，無問清楚，今次上左寶貴的一課。

上次已經食飽飯嘅時候喺天后路過呢一間印度餐廳，見到入邊都坐滿晒人，覺得應該幾正，就mark低諗住下次再去🤑不過好神奇係到下一個禮拜我再去嘅時候店入邊竟然冇咩人幫襯😦😦唔緊要啦既然一場黎到就到試吓啦😆😆店內邊裝修不錯，感覺幾高級。四周掛滿有印度風既掛畫同裝飾，環境方面可以比8分⭐⭐⭐⭐⭐午市套餐選擇都幾多，由五十幾到八十幾都有。值得一提係呢度有素菜食，素食人士都啱黎架！我係印度老闆推薦下揀左呢個番茄咖喱牛腩，果然非常特別！第一次食番茄味既咖喱，覺得冇平常d咖喱膩，幾開胃！而牛腩都燜得好淋好入味，唔錯！🍅不過番茄味比普通咖喱貴30蚊，我諗下次黎都係食返普通味道都ok，因為我試左女友果個普通味咖喱其實已經好正🤤🤤🤤 另外我揀左烤餅，烤到好脆好香，用黎點咖喱真係一流！呢間係適合港人味道既印度咖喱店，可能未必最正宗，但係真係幾好食.😁