三希樓 (已結業)

銅鑼灣食通天的餐廳不嬲系老牌與經典，正如今天食過呢間三希樓咁，令人回味無窮，經典絕對高質。入門口就已經覺得餐廳高擋，不乏卡位同圓枱，正在擔心價錢太貴時，卻發現了佢經濟又實惠，中午飲茶絕對系高質之選。中式點心，傳統手藝，令人難以抗拒。一坐低就有侍應送上餐前小吃同埋開茶，服務親切，估晤到餐前小吃都咁好食，系蒜拍青瓜同微辣鴨腎筍乾。鮮蝦腐皮卷，外脆內嫩，蝦膠彈牙。帝苗菜餃，餡新鮮，晶瑩剔透，賣相靚仔，粒粒飽滿。招牌雪影叉燒包，一份三隻，好大隻！叉燒餡有驚喜！滿滿的叉燒，超高質！杞子桂花糕，非常彈牙爽口，杞子桂花味好出，很成功！