御老鍋台式火鍋 (已結業)

久違了嘅高質台式火鍋返嚟鳥！真心推佢薑母鴨鍋湯底，頭啖湯鴨香好濃郁，之後啲老薑愈滾愈辣，湯底嘅鴨血、馬蹄、腐皮同紅棗全部都索晒個湯較稔入味，正正子！除咗薑母鴨鍋，其他嘅湯底仲有紅燒牛尾鍋、酸菜白肉鍋、膠原蛋白美人鍋同老鍋秘製麻辣湯都吸引。所以想試多幾款可以deal個鴛鴦鍋 ！當日我試埋個酸菜白肉鍋，同薑母鴨鍋一樣都係好足料，酸味比較低，隨湯嘅白肉超多超大方，五花腩好彈牙完全唔會滾兩滾就冇晒根性。講返少少前世今生先，御・老鍋係台灣開過嚟嘅過江龍火鍋店，亦係當年佢仲用緊舊名「御鍋」時我食過其中一間感覺正宗嘅台式火鍋店，依家全新裝修後捲土重來當然要拍手掌，事關由鍋底同火鍋配菜都真係「好台」！新menu嚟講個「御八品」價錢公道，當日主力叫嘅都係餐廳自家製「手工菜」，包括個手打丸拼盤、肉鬆響鈴同韭菜餃都好味喎！重點係食得出真係新鮮製造，特別係個手打丸真係款款都咁彈牙，口味配搭亦好有心思；肉鬆響鈴配甜不辣都係有驚喜，個醬汁同台灣肉鬆一入口就令人想念起台灣（冇誇張，因為真係會 LOL）！總括而言就係味道同賣相都有誠意。另外仲有仲有必deal嘅酒香白肉同 #騸牯牛 頸脊，雪花紋理好靚仔，肉質結實牛味又