新記冰室

營業中

休息中

我咁鍾意食芝士，而新記芝士麵又馳名已久，我居然咁多年嚟一次都冇食過，而家諗返起，真係有啲匪夷所思🤔。據聞香檳大廈本店近年水準下滑，今次抱住撐黃店，姑且一試嘅心態嚟到荃灣分店，估唔到非常有驚喜。驚喜之一嚟自店入面嘅文宣：兩邊牆壁貼滿手繪圖畫，仲包埋包書膠，當中好多都畫得好靚好有心思，部份更估計係出自小朋友手筆。逐幅逐幅欣賞，心情其實係有啲澎湃。驚喜之二當然係嚟自芝士麵，叫咗個芝士汁豬頸肉煎蛋撈公仔麵，一睇見碗嘢嘅金黃色醬汁就已經好有信心，食落口，芝士味果然超濃，係我喺香港食過暫時最好食嘅😋，撈埋豬頸肉，煎蛋同公仔麵一齊食，滋味無窮。另外又叫咗個卜卜蜆湯日式烏冬，蜆仔雖然唔算大隻，但係好新鮮，有蜆味，湯底亦清甜，唔錯👍。