樂樂冰室

營業中

休息中

尼到上水一定要到新祥街嘅《樂樂冰室》！唔講唔知道，《樂樂冰室》已經有14年歷史㗎喇！但老闆好有堅持，除咗食物有質素之外，店舖仲係好乾淨！今日我就係你特登食好出名嘅《懷舊慢煎西多士》！一食落去就知道同出面嘅完全唔一樣！原來老闆堅持每次都係用新油，所以完全唔會有油益味，亦都唔會啡啡黑黑咁！食落香甜好好味，外脆內軟！係我食過最好食嘅西多士！所以我俾佢嘅必食指數係10粒星🌟另一個必食推介嘅係《鮮牛肉通粉配香港農場炒蛋餐》，佢哋嘅雞蛋香港本地農場雞蛋，保持新鮮度之餘，蛋味亦特別濃郁 😍 而通粉嘅湯底係每日新鮮熬製，所以清甜得來完全唔會覺得有油膩咁！而鮮牛肉亦都係老闆每日喺街市嚴選返嚟，唔係用普通牛肉架！而且呢個餐大大份，性價比超高，大家入去上水，記得要去試下喇！重申：佢哋嘅《懷舊慢煎西多士》係我食過最好食嘅西多士，沒有之一！大大推介呀！