影片
更多
2022-06-30
464 瀏覽
一直都好想食呢間嘅雪糕包！今次食完先發現 原來其他菜式都一樣咁有驚喜！特別係勁重酒味嘅酒煮大蜆！餐廳以fusion菜為主，最signature嘅一定係以刈包夾住豬腩、炸雞等嘅中式漢堡。佢地亦有供應多款紅白酒cocktail，今次叫嘅幾道shares都幾岩送酒，想放工chill chill呢到都係一個唔錯嘅選擇~▪️酒煮大蜆 $158一上枱就聞到好香紹興酒味！蜆大大隻，好厚肉，鮮甜爽彈。不過講到最驚喜一定係個紹興牛油湯！飲落酒味好岀，最底仲有軟滑薯蓉。薯蓉帶牛油香，保留左少少顆粒，紹興酒剛好可以中和牛油嘅膩。估唔到連金菇都超重酒味！酒鬼表示好鍾意▪️羊肉他他 $148第一次食羊肉他他，估唔到一啲羶味都無喎！羊肉軟滑有咬口，酸高菜爽口。一開頭酸菜味較為突岀，但咬下咬下又會食到陣羊味，兩者都算balance。好特別地用左腐乳沙律醬作調味，增添鹹香。配搭他他嘅亦唔係普通麵包，而係豆腐脆脆，好薄好脆帶豆香，唯獨有少少油膩。overall都算一道開胃嘅前菜。▪️慢煮牛肋骨煎餃子 $128餃子煎得香脆之餘，入面仲有豐富嘅肉汁！澳洲牛肋骨軟腍入味，甜甜地。配埋面頭爽口嘅芹菜頭沙律，毫不油膩。店員就建議加埋枱
餐廳以fusion菜為主，最signature嘅一定係以刈包夾住豬腩、炸雞等嘅中式漢堡。佢地亦有供應多款紅白酒cocktail，今次叫嘅幾道shares都幾岩送酒，想放工chill chill呢到都係一個唔錯嘅選擇~
▪️酒煮大蜆 $158
一上枱就聞到好香紹興酒味！蜆大大隻，好厚肉，鮮甜爽彈。不過講到最驚喜一定係個紹興牛油湯！飲落酒味好岀，最底仲有軟滑薯蓉。薯蓉帶牛油香，保留左少少顆粒，紹興酒剛好可以中和牛油嘅膩。估唔到連金菇都超重酒味！酒鬼表示好鍾意
▪️羊肉他他 $148
第一次食羊肉他他，估唔到一啲羶味都無喎！羊肉軟滑有咬口，酸高菜爽口。一開頭酸菜味較為突岀，但咬下咬下又會食到陣羊味，兩者都算balance。好特別地用左腐乳沙律醬作調味，增添鹹香。配搭他他嘅亦唔係普通麵包，而係豆腐脆脆，好薄好脆帶豆香，唯獨有少少油膩。overall都算一道開胃嘅前菜。
▪️慢煮牛肋骨煎餃子 $128
餃子煎得香脆之餘，入面仲有豐富嘅肉汁！澳洲牛肋骨軟腍入味，甜甜地。配埋面頭爽口嘅芹菜頭沙律，毫不油膩。店員就建議加埋枱面嘅辣椒醬一齊食，入口更惹味！
▪️照燒炸三黃雞包 $98
光滑嘅baobao澎鬆軟彈~ 入面嘅三黃雞炸得好脆之餘，成功鎖住肉汁。好得意地帶少少麻香，又唔會好辣。加埋清新嘅青瓜沙律，唔會太heavy。整個濕潤度恰到好處！
▪️Green Tea Ice-cream baos $38
完全係為咗呢個而黎！包包炸得好香脆！加埋雪糕，冷熱交融好正！雪糕嘅綠茶味幾岀，就算加咗煉奶🍼甜度都唔會太高。朋友話另一款鹽味焦糖都唔錯~
實物比想像中細，但作為飯後甜品岩岩好，一個人食晒都唔會太漏
張貼
