影片
更多
2023-05-27
16 瀏覽
平日放工約咗朋友行街，買日用品同食飯，襯住第二日放假，決定同朋友係旺角揾間坐得舒服，好傾計嘅café，可以食飯同傾下近況。排隊時，見到店入面氣氛唔錯，格局簡單整潔，入到去被安排坐樓上，意外驚喜樓上感覺更好，幾靜同光線充足，傾計一流。約朋友旺角食飯，交通方便，又想坐得舒服，食輕食或西餐，呢間好推薦~同朋友每人一個餐，再加錢叫湯同甜品，同散叫小食，之後兩個人再share 食，食到好飽，整體價錢不算貴~草飼牛柳配法式蛋黃醬(10安士)配忌廉焗薯 $257牛柳煎得啱啱好，入口好霖，冇筋，同蛋黃醬好配，個人就鐘意點黑椒汁，口感鹹小小都唔錯，個餐配湯、飲品同甜品。特濃蛋漿卡邦尼意粉餐 ＄149意外地蛋漿同卡邦尼好夾，意粉是寛身面，蛋漿勁多，成個面都有，食落去好滑。卡邦尼味又濃，呢個口感嘅卡邦尼第一次食，勁夾，推薦一試。呢個價錢包埋湯、飲品。周打蜆湯；幾甜，口感幾滑，有忌廉味。Kiwi & orange 飲品、Passion of yell 飲品；兩款嘢飲都酸酸地，幾fresh，夏天解暑一流~朱古力心太軟配雪糕朱古力醬勁多，外面嘅朱古力鬆皮又脆又香，點埋熱嘅朱古力醬同雪糕一齊食，簡直是冰火兩重奏。
同朋友每人一個餐，再加錢叫湯同甜品，同散叫小食，之後兩個人再share 食，食到好飽，整體價錢不算貴~
草飼牛柳配法式蛋黃醬(10安士)配忌廉焗薯 $257
牛柳煎得啱啱好，入口好霖，冇筋，同蛋黃醬好配，個人就鐘意點黑椒汁，口感鹹小小都唔錯，個餐配湯、飲品同甜品。
特濃蛋漿卡邦尼意粉餐 ＄149
意外地蛋漿同卡邦尼好夾，意粉是寛身面，蛋漿勁多，成個面都有，食落去好滑。卡邦尼味又濃，呢個口感嘅卡邦尼第一次食，勁夾，推薦一試。呢個價錢包埋湯、飲品。
周打蜆湯；幾甜，口感幾滑，有忌廉味。
Kiwi & orange 飲品、Passion of yell 飲品；兩款嘢飲都酸酸地，幾fresh，夏天解暑一流~
朱古力心太軟配雪糕
朱古力醬勁多，外面嘅朱古力鬆皮又脆又香，點埋熱嘅朱古力醬同雪糕一齊食，簡直是冰火兩重奏。好推推薦食呢個。
煙三文魚牛油果半熟流心蛋配酸種包 $78
牛油果熟嘅，外觀整咗花形打卡唔錯，酸種包正常發揮，偏韌。由於兩人個比較難share 食，個人建議自己一個人食一個。如果晚餐想食topping bread 可以試下。
柚子汁脆炸雞翼(4隻)配雞軟骨 $48
見到個雞翼好吸引，就叫咗一份，點知最後都食唔晒。柚子酸酸地配雞翼好好味。雞翼肉實，份量都多，建議多人聚餐可以叫嚟share 食。
張貼
