影片
更多
2018-09-02
96 瀏覽
因為就快出發去日本，最近都忙住整理行程，安排下係日本食d乜，當中搵左好多食拉麵既餐廳，越搵越想食。。。今日就唔理咁多，食番餐拉麵頂下癮先！朋友之前已經推介過我食呢間豚道樂，趁今日過開黎荃灣，就同男朋友黎會一會佢。我地好好彩，未夠7點黎到，仲有位✌🏻，坐左陣7點已經full 晒，仲有其他客人要等位。自己剔order紙好方便，想要乜口味、加減配菜，都係自己話事。湯底都有咁多款，揀d期間限定就岩晒，驚下次再黎無得食。首先黎左飲品，爽！左: 信州蘋果梳打右: 山梨桃梳打特上松葉蟹海老蕃茄湯拉麵 (曲麵、硬麵):先試啖湯，湯頭有濃郁蝦味加上少少蕃茄味，夾起拉麵都可以掛住d湯汁，加上曲麵咬勁足、有彈性，成碗麵味道豐富鮮甜。當然仲要講下d配料，🍜松葉蟹肉: 好多，食晒拉麵以為無啦，點知仲有係底，好鮮甜，啖啖肉，無諗過拉麵店會有咁新鮮既蟹肉食。🍜豬腩肉x1，豬肩肉x2: 特別要講下豬肩肉，係香港未食過一間拉麵整既豬肉/叉燒咁好食，個樣睇落無乜脂坊，但食落勁淋又滑，有肉味，本身無太多調味，但索上湯汁更加好食。另外豬腩肉都不錯，不過豬肩肉太有驚喜，難免被比下去。🍜其他配菜有，2塊紫菜、半隻溏心蛋、紫洋蔥，
朋友之前已經推介過我食呢間豚道樂，趁今日過開黎荃灣，就同男朋友黎會一會佢。
我地好好彩，未夠7點黎到，仲有位✌🏻，坐左陣7點已經full 晒，仲有其他客人要等位。
自己剔order紙好方便，想要乜口味、加減配菜，都係自己話事。
湯底都有咁多款，揀d期間限定就岩晒，驚下次再黎無得食。
首先黎左飲品，爽！
左: 信州蘋果梳打
右: 山梨桃梳打
特上松葉蟹海老蕃茄湯拉麵 (曲麵、硬麵):
先試啖湯，湯頭有濃郁蝦味加上少少蕃茄味，夾起拉麵都可以掛住d湯汁，加上曲麵咬勁足、有彈性，成碗麵味道豐富鮮甜。
當然仲要講下d配料，
🍜松葉蟹肉: 好多，食晒拉麵以為無啦，點知仲有係底，好鮮甜，啖啖肉，無諗過拉麵店會有咁新鮮既蟹肉食。
🍜豬腩肉x1，豬肩肉x2: 特別要講下豬肩肉，係香港未食過一間拉麵整既豬肉/叉燒咁好食，個樣睇落無乜脂坊，但食落勁淋又滑，有肉味，本身無太多調味，但索上湯汁更加好食。另外豬腩肉都不錯，不過豬肩肉太有驚喜，難免被比下去。
🍜其他配菜有，2塊紫菜、半隻溏心蛋、紫洋蔥，仲有好似係沙律菜既菜: 好清新既感覺，特別係紫洋蔥，有微微辛辣感，好夾碗麵，配菜同一般拉麵好唔同，平常既木耳、粟米、筍，通通都無，好有新鮮感。
特上松葉蟹海老蕃茄湯拉麵
$98
5 瀏覽
0 讚好
0 留言
溏心蛋，煮既時間，just fit，完全做到溏心效果，甜甜的，加分！
特上海老湯拉麵 (直麵，普通軟硬度):
湯頭同樣濃郁，但蝦味更加突出，因為多左d櫻花蝦令成個湯更加鮮甜，男朋友揀左直麵，比曲麵顔色白d，幼身d，但我還是比較喜歡曲麵既煙韌口感。
🍜豬腩肉x1，豬肩肉x2: 食評同上，同場加映，拉開豬肩肉同豬腩肉勁大塊，大塊到拉麵都見唔到。
🍜其他配菜: 2塊紫菜、半隻溏心、櫻花蝦、大量葱，好味。
特上海老湯拉麵
$98
10 瀏覽
0 讚好
0 留言
貪心試埋小食。
🍜炙燒芝士豚肉: 芝士控當然唔會錯過，紫菜配上豚肩肉加上眼見最少有兩種芝士。
起初有點無從入手，最後好似三文治咁對摺食，芝士味勁重極邪惡！三樣加埋一齊食，三種口感，好正好特別！
炙燒芝士豚肉
$18
18 瀏覽
0 讚好
0 留言
🍜日式餃子：其實已經好飽，但見到脹卜卜既餃子，餡料有豬肉同椰菜，椰菜還有d爽爽的。
沾上醋食，一d膩既感覺都無，yummy!
日式餃子
$30
30 瀏覽
0 讚好
0 留言
從來去拉麵店都唔會要求有咩服務，今日落單員工落完單見我著住外套，就問我駛唔駛俾杯暖水我，好窩心，值得一讚！👍🏻
呢度既拉麵俾我感覺好有新鮮感，比起傳統既拉麵我我更喜歡，好出色，好有heart。下次我要挑戰下青bb既日本芥末拉麵。
張貼
