Thai-ger (已搬遷) 新店位置

暫時食過最好食的泰式肉碎煎蛋飯，多料不在話下，最重要多汁夠味，撈飯一流。有不少泰式餐廳都會有呢道菜式，但不少都炒得比較乾，或者用太瘦的豬肉，令肉質比較「鞋」。而這裏的煎蛋有燶邊流心，不錯不錯。另外有冬蔭公車仔麵，可以揀3餸，每款都唔失禮，尤其係雞翼，係做到單骨，之後再炸。湯底夠酸不太辣有香料味，證明落重料，連野飲都係$70蚊到，值得一試！不過大家要留意一下，呢間餐廳會不定期唔開舖，去前打一打電話比較好！