大喜家日本料理 (已結業)

前幾日係團購買左兩張優惠卷$118位，book左今晚去食啦，首先門外好多人排隊包括買左團購既客人同無買既客人，係等位期間計返條數，原價係每位$188+1而團購係$118+手續費$48+附加費20蚊，團購的確係每位平左十幾廿蚊既😓。入座之後，首先點左刺身先，好快就到，甜蝦就要自己剝殼既，其他就正正常常，賣相好求其，係黎唔足我地點既野，問店員係今日無油甘魚呀定點，個店員口upup飄走左，再問佢咁今日其實有無油甘魚，佢話有入單，問非所答，懵懵懂懂，唔想理我咁。除左首單刺身最快黎，之後等左好耐都未有野黎，上菜超慢，黎親唔係漏黎樣就無黎到，其中一張單落左四次，到走都無黎過，野食唔好食都算，起馬都黎齊呀！成餐飯我地越食越激氣，最後想食杯雀巢雪糕降下火，點知連雪糕都無哂，雪糕櫃係空架！！好想知咁大個雪糕櫃係咪擺十幾廿杯雪糕架咋？！走既時候聽到好多食客都好多怨言，話間野不知所謂，d野食叫極都唔黎，團購都唔抵，又有人話係數一數二最難食既放題，我都好認同，真係好伏，真係我食過最差質素同最唔抵食既放題，連男友原本一開始叫我唔好嬲，走既時候佢都嬲到爆。我都忍唔住要寫篇野分享下食評，唔想有人再中伏！！實在太差！