影片
更多
2017-05-30
91 瀏覽
呢間野差在冇證據，如果唔係真係可以告得入！嚴重違反商品說明條例！ (本人冇購買團購) 先講講事發經過~事緣之前響網上揾到呢間舖頭，見有磯燒，所以想試下，點知一試"難忘"!1)服務態度差，野食單遞左咁多張全部甩曬，得小部分有(ps. 現場得手指數得曬ge枱客)；2)訂座前已問清楚所有優惠，包括滿8位送1位；磯燒送鮑魚海鮮拼盤1客；訂座送其中1款食品(詳情請瀏覽該舖fb專頁), 但電話問ge同現場問ge完全唔同！3)員工全無心工作，拖得就拖！4) 食物質素差！其中包括楊枝甘露已變壞！本人禮拜5(26/5)已訂定位亦講埋要磯燒，而員工亦好清析講清楚升級磯燒每位要加$50。初頭入座追左大慨5次有多都未有人拎爐過黎俾我地，磯燒order紙亦冇。而訂座送其中1款食品，我地揀左蟹蓋，但追極都冇！次次都話燒緊！到最後，佢地拎左出黎燒，咦，燒緊都燒左咁耐，乜燒燒下仲要拎出黎燒ge? 其次，問佢地點解鮑魚海鮮拼盤冇扇貝同蟹蓋，員工回覆竟然話如果要叫2樣係要每隻加錢，但，fb專頁清清楚楚寫明"入座包海鮮拼盤1份(扇貝，大蝦，北海燒蟹蓋)及生蠔"!圖片亦寫明"磯燒放題送鮑魚海鮮拼盤1客"！點解會同員工所講有咁
事緣之前響網上揾到呢間舖頭，見有磯燒，所以想試下，點知一試"難忘"!
1)服務態度差，野食單遞左咁多張全部甩曬，得小部分有(ps. 現場得手指數得曬ge枱客)；
2)訂座前已問清楚所有優惠，包括滿8位送1位；磯燒送鮑魚海鮮拼盤1客；訂座送其中1款食品(詳情請瀏覽該舖fb專頁), 但電話問ge同現場問ge完全唔同！
3)員工全無心工作，拖得就拖！
4) 食物質素差！其中包括楊枝甘露已變壞！
本人禮拜5(26/5)已訂定位亦講埋要磯燒，而員工亦好清析講清楚升級磯燒每位要加$50。初頭入座追左大慨5次有多都未有人拎爐過黎俾我地，磯燒order紙亦冇。
而訂座送其中1款食品，我地揀左蟹蓋，但追極都冇！次次都話燒緊！到最後，佢地拎左出黎燒，咦，燒緊都燒左咁耐，乜燒燒下仲要拎出黎燒ge?
其次，問佢地點解鮑魚海鮮拼盤冇扇貝同蟹蓋，員工回覆竟然話如果要叫2樣係要每隻加錢，但，fb專頁清清楚楚寫明"入座包海鮮拼盤1份(扇貝，大蝦，北海燒蟹蓋)及生蠔"!圖片亦寫明"磯燒放題送鮑魚海鮮拼盤1客"！點解會同員工所講有咁大出入？無論文字定圖片都已經違反商品說明條例！可惜，因為時間太夜，所以最後選擇唔要。
最後！訂座已問清楚係咪滿8位免1位！員工竟然話呢個係生日優惠，但fb專頁完全冇寫過或列明"生日"呢2個字！最後俾員工睇返佢地ge fb專頁先做俾我地！雖然免1位，我都知都要加一，但都未免$50磯燒升級(事後諗返先醒起)!
點解1間舖頭可以差成咁？？我未試過食過d咁差ge舖頭，唔會再有下次！食物質素又差！服務態度超差！總之冇樣好！
張貼