佐賀燒肉谷 (屯門市廣場1期)

營業中

休息中

食呢一餐之前本來以為任食燒肉主打都係個肉字，點知除咗肉之外，海鮮同甜品更加驚喜🤭 因為呢兩樣嘢好想再回頭食😆 入座之後，首先會有個九宮格入邊有幾款唔同嘅牛肉同海鮮開一開爐，順便睇吓邊款值得再叫😁個人最鍾意封門柳，準備燒之前店員好熱心咁提醒封門柳可以U字型咁放落個網燒，咁樣受熱會均勻啲，燒出嚟又真係靚啲🤩 最後店員仲好好幫我哋剪好上碟，成個用餐體驗即刻升華咗☺️ 封門柳燒出嚟真係好有牛味同有口感，有肉汁又有少少焦香👍🏻 海鮮真係大力推薦，原隻魷魚同埋大蝦都好吸引，唔好以為大蝦係一般放題店嘅size，而係大虎蝦咁大隻，真係值回票價😂 原隻魷魚燒香咗表面之後再剪到一圈圈，可以配蒜蓉醬或者椒鹽食🤩 而帆立貝都唔細，有埋燒汁食落都幾惹味食完一輪肉同海鮮之後梗係留返個胃食甜品🤭 真係比呢間餐廳嘅甜品感動到，因為除咗有雪糕之外，仲有可以放喺爐上面燒嘅迷你朱古力鯛魚燒同窩夫，仲有唔同口味嘅大福、卷蛋、brownie，同埋意外地好好食嘅黑糖豆腐花😍啱晒鍾意食甜品嘅人。