極尚大喜屋 (加連威老道) (已結業)

當日係朋友嘅生日,一早打電話預約,所以唔使排隊就可以入座。嗰日係星期六都比較多人但係坐位比較闊落,而且比較多侍應,比起其他大喜屋集團嘅服務都比較好。有一種酒店式嘅服務。放題分咗自助吧同埋自己落單。最驚喜嘅就係有拖羅同埋生蠔,依啲刺身同埋好都非常新鮮。自助式仲有燒和牛,味道都非常好。叫咗兩次刺身,款式都比較多,甜蝦同埋三文魚都好好食,仲有帶子超級大粒。侍應收碟嘅速度都好快,比起其他放題嘅服務好好多,我都比較欣賞。因為甜蝦超級好食,所以第二次轉刺身特別叫多次甜蝦,同埋三文魚壽司,熟食, 串燒嘅質素都唔錯,不過壽司嘅種類太多食白飯都食到好飽,建議下一次壽司嘅數量叫小啲留返個肚食刺身同埋甜品。甜品嘅款式都好多有焦糖布甸,芒果布甸,芝士蛋糕,仲有我最鍾意嘅MACARON!!!!雪糕仲有MILK TOP同埋HAGGEN DAZ。MILK TOP嘅海鹽味雪糕真係非常特別而且比較少放題有呢一隻雪糕食。食咗兩個幾鐘非常滿足,雖然真係貴左少少不過都真係貨真價實