大澳砂鍋王

營業中

休息中

某星期六夜晚五六點左右,見到巴士站排晒長龍,咁就諗住食埋野先去搭車,行返入去睇下大澳仲無乜食肆開,經過呢間砂鍋王試下辣雞煲,辣度啱啱好又唔會死鹹死辣,食過番尋味。第二次再去試埋個醉雞煲,酒香味濃。過多個零月再去多次,大厨就炮製咗個雜錦雞煲比我兩公婆食同様無得輸。(淨係掛住食無乜影相)仲有水蟹粥放上枱仲滾緊,同臭豆腐炸到外面脆卜卜,送酒一流。P.S.如果有碟手切牛比我食完雞煲加湯再打邊爐就正喇。