元朗鬼巴士 (已結業)

元朗鬼巴士，聽個名真係完全唔知賣咩，由於排長龍既關係，一邊等一邊睇個電視仔介紹，終於知道原來係因為老闆拍過一套戲叫鬼巴士，因而得名。所有鹵味，除了墨魚和尤魚外，全部$6串，另可選擇小雜錦$35或大雜錦$55。初時只叫了生腸和脆腸，個人覺得生腸係一流，夠爽唔un👍👍😋脆腸可以，略嫌唔夠鹵水味，但醬汁補救一開始落左一種唔知咩調味，估計係鹵水,蠔油or麻油??再加上甜醬&芥辣，唔太咸，芥辣攻鼻得黎唔太攻!由於太好味，再排左個小雜錦，雞腎太少份量，無鹵水柏葉，只得普通柏葉，好爽，但同脆腸一樣唔太夠鹵水味，總體都好滿足!!果然係食了心思思，成日想去食!