十六座車仔麵 (已結業)

好耐之前，記得佢啱啱開既時候同朋友經過試過一次嚟食，當時佢既招牌蝴蝶腩真係好好食。今次咁啱嚟呢頭搵食，就醒起佢。本身打算叫3餸但4餸送豆漿，見價錢差唔多就叫多個餸。叫左蘿蔔，雞翼尖，蝴蝶腩同埋雞腎。全部都比得好多好大方由其雞翼尖，冇諗過食到尾都仲有，有成7，8隻，認真抵食。最普通既蘿蔔令人驚艷，好淋好入味仲要冇渣，真係冇牙都食到。反而蝴蝶腩就好似同記憶中既味道有小小出入，但就覺得普通不過都好食。雞腎唔知係咪太多人叫所以唔算好入味。但係湯底好好味，叫左佢加鹵水汁真係唔錯，蘿蔔又吸哂啲湯汁咁。不過豆漿就有啲失望，唔算好飲，冇乜豆味咁。不過整體嚟講會再番去食，旺區嚟講都算幾平又抵食。