棋子燒鵝 (已結業)

上次去深水埗棋子燒鵝斬料返屋企食，阿爸試過都話好，今日經過九龍灣德福廣場見到有分店，一於斬啲燒味返屋企做晚餐。樣樣都燒味都想食。今晚只有我和阿爸食，一於買五寶飯，有燒鵝、叉燒、切雞、紅腸、咸旦，燒鵝煙熏味真係越食越香。叉燒肉質鬆軟。切雞皮爽口，肉質鮮嫩。紅腸味道醇厚、 鮮美。白飯軟硬適中，咸旦鹹度適中，蛋黃起沙，最好伴飯食。另外斬多斤叉燒，叉燒外層蜜汁甜絲絲，肥瘦適中，肉質軟稔唔會靱。又香又甜的味道在口中久久不散。