Running 燒 (已結業)

110分鐘放題，其實真係唔夠時間，已經食第二次，但實在太多好嘢食，大頭蝦超級新鮮，膏多肉鮮。其他推海鮮有鮑魚、生蠔、芝士蒜蠔、蜆、蟶子、魷魚等，全部勁新鮮，尤其鮑魚，新鮮到燒咗一陣，啲鮑魚仲郁架。蠔亦超新鮮，好有蠔味，又夠大隻。蜆亦好大隻，好鮮味。唔好以為海鮮正，啲肉就會唔掂，啲肉竟然都好掂，牛仔骨、牛脷、豬頸肉好好味，搞到都唔知食邊樣先好，飲品選擇又多，以呢個價錢嚟講超級抵食。下次一定會再嚟挑戰過，希望食物水準繼續keep到。