很得輝 (金滿閣)

營業中

休息中

住唔住開大西北，對炸脾有期望的人，都應該會聽過、食過呢間炸脾，事關呢隻炸脾真係有啲料到。喺屯門又唔係太方便的位置的一間細鋪仔，路過，無乜裝修，簡單黎講係路過左都唔知。但一到夜晚，就會聚集左一班喜歡炸脾的愛好者。呢度的炸脾，每隻大細都差唔多，有訪問報導過店主因為品質監控下，每隻雞脾選240g 至260g ，生炸脾先可以做到皮脆肉滑。亦選用細的面包糠，令炸皮更幼細。炸脾食落真係造到老闆想要的效果，就係皮脆肉嫩，上台時熱辣辣，可以隨自己喜好加各種調味粉，仲有唔同級數的辣粉任意選擇。咬落口脆卜卜，咬落去的聲音同食薯片一樣。肉質多汁唔會乾硬化咁，真正食過返尋味。今日的營多就煮得岩岩好，仲有彈牙感，而且份量十足。飲品最喜歡蜜瓜奶綠，唔會好假而且比較少飲到呢種味道的飲品。