牛霸小麵店 (已結業)

今日一行四人食午飯，第一時間梗係搵間坐得舒服又好食嘅餐廳啦，但環顧平時灣仔市中心嘅餐廳，幾乎間間都坐得好侷促，實在唔係一個適合邊食野邊傾計嘅好地方，於是我地最後揀左呢間牛霸小麵店，今次係第二次幫襯佢lu，同上次一樣唔算多人排隊，我地大概等左5分鐘左右就可以入座了~侍應安排我地坐一張超大嘅卡座，真係有少少受寵若驚！因為平時中午時份出街食飯都被人逼慣，而家有一張寬闊嘅大枱已經覺得好開心！之後我地用手機落單；我嗌左一份鹽酥雞滷肉飯便當($55)，+$6配珍珠奶茶，Total都只係$61咋！味道方面，同上次一樣無令人失望，鹽酥雞炸得啱啱好，調味亦唔會過咸；份量亦都好足，絕對唔會hea你，鹽酥雞數量都有5-6塊，絕對對得住佢個價錢，性價比幾高架！呢間台式餐廳整體嚟講真係好高質，無論食物質素、價錢、份量、環境、服務態度等等都係屬於高質素，如果唔係因為同公司距離太遠，我應該會成日去架！