棟篤食 (已結業)

果日參加左Openrice試食會，去試食會之前就去醫下肚，反正冇食早餐同午餐，因為唔知試食會份量如何，怕唔夠飽，反正買左團購。初初第一次黎見個名叫棟篤食，仲以為要立食，冇位坐。今次我已經係第2次黎，上一次去冇寫到食評。因為唔想食咁飽，今次我叫左個招牌蝦籽撈麵，貪佢份量唔係太多，仲包4件李太餃子同熱奶茶。蝦籽撈麵都幾香，麵質清爽、彈牙。至於李太餃子就一般，真係唔明點解叫李太餃子? 餃子咬落都係菜肉餃，冇乜特別，湯底好D蝦味，但飲完好易好渴。 熱奶茶都係正常，係呢度我唔會期望質素好似茶餐廳o既絲襪奶茶咁。總括而言，用團購價o既下午茶價錢係銅鑼灣黎講算ok，因為只限下午2點至8點用coupon。如果用正價黎食，銅鑼灣仲有好多選擇，而且我會覺得地點偏遠，唔方便。