養心殿台式養生鍋 (已結業)

人人都話要養生，我今日又要，嘻嘻... 前牌去旺角分店食過一次，真係好好味，由於太掛住喇，今日再嚟。佐敦分店地方都幾好大，我鐘意店內的設計，店員又好人又快手。上次試過美人鍋已經覺得好滋補湯又好味道，今次要試埋其他款式。寧神養心鍋：川弓白芷天麻魚頭，聽講這種配搭係好適合經常頭痛的我，湯底好重藥材的味道，又不苦澀，仲有烏雞一齊煲，D肉可以食埋，真係極佳。食火鍋又點少得叫多幾款美食呢，店舖推介的我當然要點啦！手切肥牛：好新鮮，牛肉味好重又好滑。手工丸拼盤：每款味道都有特色，但我自己始終最愛墨魚丸，鮮味又彈牙。另外，梅菜肉丸都好正，好似食緊梅菜肉餅。海鮮拼盤：蝦同帶子勁新鮮，仲好鮮甜，尤其係隻蝦還在跳，新鮮得過份，真係好少見。千層凍豆腐：滋味湯底又點少得吸湯高手，吸滿湯的豆腐味道好夾，真係未諗到有什麽能取代。