甜美美食

營業中

休息中

上次食過雞絲米粉，今次決定試下佢個金邊粉。叫左個豬頸肉金邊粉同泰式燒雞比，兩樣野加埋都係五十蚊多啲，份量十足，真係幾抵。豬頸肉金邊粉入面既蘿蔔好入味好冧，吸收哂泰式個種甜甜地嘅湯底，好好味。豬頸肉佢放落粉之前稍稍燒過佢，逼左啲油出黎，食落特別香。泰式燒雞比佢比你之前會將燒過既雞比拎去炸一炸先，雖然炸完熱辣辣好正，但可能因為炸得太耐，雞比變得有啲乾。上次經過鋪頭，已經聞到好濃烈嘅沙嗲醬，今次終於有機會食到。雞比搽滿左沙嗲醬，令隻雞髀即刻變得好惹味。沙嗲醬好濃，食落有花生香，十分邪惡。咁既價錢，咁既味道，咁既份量，絕對係物超所值。