KidsKiss Kingdom親子餐廳 (已結業)

又再次黎到公主想去既地方，小朋友當然開心興奮啦。再次光臨除左因為小朋友玩得開心，大人食既食物都好重要。今次我地就點左瑞士雞翼，芝士嫩雞燴飯，鮮青口蜆肉龍蝦汁長通粉，豬扒卡邦尼扁意粉同焗薯角。我地超鍾意食個豬扒卡邦尼扁意粉，豬扒好林而且卡邦尼汁味道夠濃！唔止小朋友，大朋友都鍾意食。鮮青口蜆肉龍蝦汁長通粉雖然份量細左D但其實都好足料，而且好鮮甜！瑞士雞翼本身係想叫俾小朋友食但結果當然佢地掛住玩，就俾大人食晒XD瑞士汁入晒味而且雞翼好滑，下次又多樣小食可以揀啦。