壹燒鵝 (興裕大廈) (已結業)

自從試過呢度嘅燒味之後，真係念念不忘，好多酒樓嘅燒鵝都比唔想，呢度自家製真係別有一番風味，今日咁啱喺銅鑼灣行緊街，就有心思思行咗過嚟天后呢邊食飯今次嚟到發現多咗好多選擇，有好多唔同小菜嘅選擇，仲有二人餐四人餐，又有滑蛋叉燒飯，炒飯等等，所以無論你係一個人嚟食定兩個人撐枱腳定係一家大細開飯，呢度都滿足到你！嗌個二人餐已經可以試到三款燒味，當然唔少得有燒鵝，我就揀咗油雞同燒腩仔！燒鵝皮脆肉嫰，一咬落去超多汁，可以送幾碗飯！油雞一樣夠晒入味，肉質滑dodo！燒腩仔肥瘦均勻，咬落去個皮仲係脆卜卜！小菜要咗個黃金魷，鹹蛋味超香夠晒惹未！