媽咪雞蛋仔 (已搬遷) 新店位置

好耐冇食過雞蛋仔啦，諗起就想食😋😋食雞蛋仔我會揀媽咪雞蛋仔，因為味道變化多，而且夠脆卜卜。今次去咗銅鑼灣希雲街嘅分店，一開店已經不少人幫襯。 囡囡次次都要食鹽燒海苔粟米口味， 鹹味嘅雞蛋仔出奇的好味，海苔同粟米估唔到同雞蛋仔咁夾😁另外叫左新推出的🍋檸檬芝士雞蛋仔， 檸檬清新，芝士香濃，加埋好好食❤️配返杯店家自家飲品，買了鮮榨檸檬水同檸檬茶， 檸檬水味道好清新，係真材實料檸檬汁👍🍋🍋好解渴。