孔夫子 (Club East洞天) (已結業)

已經第五次再嚟，今次帶埋媽媽嚟食。每次必叫艷影蝦球，回味。牛舌好諗（唔識寫呢個字😜），無牙都食到。之前叫臘味飯，今次叫咗銅盤班球蒸飯，意想不到的是魚塊舖滿整個銅盤。酥皮茄子，外脆內軟，上面加上南乳汁，惹味。奶湯雲吞煲，超大粒雲吞裏面全部係蝦，好甜的湯，滿足。鐵觀音茶香濃，飲到我哋走都仲有茶味。侍應服務態度好，端上銅盤班球蒸飯時，一邊剪開蓋住的錫紙，一邊攪笑地說：睇吓今次的班球靚唔靚先。哈哈！我對呢間食肆有讚無彈，絕對真心的。連我媽媽都讚好食。我會繼續光顧。