品記鮮粉人家私房菜館

營業中

休息中

自從屯馬綫開通之後，真係會去多咗土瓜灣食飯，今次見到7:30前埋單有88折，又可以用what’s app訂座，於是去試下。我哋一去到就叫咗啤酒同埋小龍蝦，小龍蝦真係用嚟送酒係一流，而且佢啲小龍蝦非常入味，肉又多。食到咁上下我哋就上個豬骨煲，除咗豬骨煲其實佢有好多唔同湯底，有雞煲同酸菜魚等，但豬骨煲比較少地方有，而且我又好鍾意食豬骨髓。結果個湯超正，加埋超甜嘅粟米同蘿蔔，忍唔住飲咗唔少湯。值得推介嘅係佢嘅白灼三鮮同自家製韭菜餃，好新鮮，韭菜餃啲皮又好薄，下次嚟希望可以再食多啲唔同嘅嘢。