火鍋撚 (染布房街) (已結業)

今晚食過呢間「火鍋撚」打邊爐，真係回味無窮，食過返尋味，絕對滿心滿意👍🏻🥰沿住條樓梯上去，佈置得好雅緻，又有特式，懷舊加上復古嘅裝飾，有啲時光倒流嘅感覺😍木製嘅餐桌，復古風嘅感覺特別配合打邊爐🍲，而且服務員殷勤招待，甚有水準，馬上揀番個靚湯底先😄嫣媽滋補老火湯鍋，材料豐富，足材藥材，加上甜粟，淨係啖湯已經回味無窮，我同朋友一人一碗，飲完先叫其他食物😂打邊爐最緊要就係食肥牛，呢份極品安格斯肥牛，賣相得之餘，雪花分布均勻，色澤鮮嫩，真係有圖有真相，冇得輸👍🏻四寶餃餃拼盆$97，呢度係自家製，特別新鮮足料，咁嘅價錢已經有齊四款，真係平靚正👍🏻 三秒響鈴🔔，當然一定唔可以錯過，吸收左湯底嘅精華，煙煙韌韌，絕對係我嘅至愛😋海鮮類我揀咗鴛鴦雙蚌（珊瑚蚌拼桂花蚌)，海鮮最重要就係新鮮，呢度絕對有保證，10秒左右就啱啱好，爽甜鮮👍🏻👍🏻👍🏻鮮雞子$37，重點就係過鮮字，男人要進補，一定唔少得佢啦🤣啱晒我架！再嘆埋啤酒，兩個傾吓講吓，愉快嘅晚上，大家都好滿意，今晚一於不醉無歸🥂😜